Flash News

Zjarr pranë depos së dinamitit në Qinam të Tiranës

Zjarr i përmasave të mëdha në Fierit, flakët përfshijnë ullishtet, rrezikohen bizneset

Mrekulli në Nepal, dy persona gjenden të gjallë pas 9 ditësh në tunelin e hidrocentralit

Aksident në Fiershegan, trajleri përplas dy makina

Përmbyset mjeti bujqësor në Vajkan, plagoset 53-vjeçari

E-TJERA

Zjarri në Fier përhapet drejt Levanit, digjet banesa e stalla, tymi mbërrin deri në Vlorë

Politiko 4 September 2026, 19:42

aaaaa_sd-1.webp

Situata me zjarret në Fier vijon të jetë alarmante, ndërsa flakët janë përhapur në drejtim të Levanit, duke rrezikuar banesa, biznese dhe objekte të tjera. Disa familje janë detyruar të evakuohen, ndërsa një banesë dhe një stallë bagëtish janë përfshirë nga zjarri.

Siç duket nga foto, banorët po largohen nga zonat e rrezikuara me sendet personale në duar. Disa prej tyre shfaqen të përlotur, ndërsa përballen me vështirësinë për të lënë pas shtëpitë e tyre mes flakëve.

Ndërkohë, zjarri ka avancuar edhe drejt Levanit. Nga flakët është përfshirë një banesë, ndërsa është djegur edhe një stallë bagëtish. Brenda saj ndodheshin rreth 20 lopë, të cilat u evakuuan në kohë dhe shpëtuan nga flakët.

Flakët janë afruar gjithashtu pranë një servisi automjetesh, ndërsa më herët zjarri kishte krijuar rrezik edhe për biznese dhe lokale në zonën pranë liqenit të Levanit.  

Por pasojat e zjarrit nuk janë kufizuar vetëm në Fier.

-900-0-1788540805xscreenshot-2026-09-04-185318-271.png

Shtëllungat e dendura të tymit kanë mbërritur deri në Vlorë. Në hyrje të qytetit, një pjesë e qiellit është mbuluar nga tymi i zi, duke treguar përmasat e zjarrit dhe ndikimin e tij edhe përtej zonave ku ndodhen vatrat.

Ndërkohë, forcat zjarrfikëse vijojnë betejën me flakët, ndërsa era e fortë po favorizon përhapjen e zjarrit dhe e vështirëson ndërhyrjen në terren. Situata mbetet dinamike, me rrezik për banesa dhe biznese në zonat drejt të cilave po avancojnë flakët.

Të fundit