Flash News

Eksplozivi i lidhur me celular në Durrës, arrestohen dy persona

Bie në humnerë, humb jetën 40-vjeçari në Malësi të Madhe

Himara dhe Fieri digjen gjithë natën, Rama e mbyll me një postim: Situata është nën kontroll

Kuvendi rikthehet në punime më 8 shtator, territorialja në fokus

‘Përtej oqeanit’/ Berisha mbërrin në SHBA, shqiptarët i japin mirëseardhjen e ngrohtë kreut të PD-së

E-TJERA

Zjarri në Himarë, turistja tregon momentet e frikës: Mendova se nuk do të mund të largoheshim

Politiko 5 September 2026, 14:56

Katër turiste që ndodheshin në Himarë gjatë zjarrit të mbrëmjes së të premtes kanë rrëfyer momentet e frikës dhe pasigurisë që përjetuan, ndërsa një ditë më pas shprehen se situata është qetësuar dhe nuk ndihen më të rrezikuara.

Në një prononcim për A2 CNN, njëra prej turisteve tregoi se situata u bë veçanërisht shqetësuese kur rrugët u bllokuan dhe ato nuk mundën të siguronin një taksi për t’u larguar nga zona.

Ajo tha se në një moment u detyruan të largoheshin nga hoteli dhe të qëndronin në një restorant, ndërsa flakët dukeshin nga kodrat përreth.

Sipas saj, stafi i hotelit u ofroi mbështetje gjatë situatës, ndërsa ajo vlerësoi edhe punën e forcave zjarrfikëse, të cilat ndërhynë për të vënë nën kontroll flakët.

“Dje ishte vërtet shumë e frikshme. Në një moment mendova: ‘Si do të largohemi nga këtu?’. U larguam dhe gjetëm një restorant pranë malit, por nuk mund të vazhdonim më tej. U përpoqa të kontaktoja taksitë, por më thanë se rrugët ishin të bllokuara dhe nuk mund të vinin të na merrnin. Aty u frikësova shumë, sepse nuk kishim as makinë me qira dhe asnjë mundësi tjetër për t’u larguar. Sot ndihem e sigurt, sepse kam folur me stafin e hotelit. Dua t’i falënderoj, sepse na bënë të ndiheshim të sigurta. Tani situata duket më e mirë, pasi nuk i shohim më flakët. Jam shumë mirënjohëse edhe për zjarrfikësit. Kanë bërë një punë të jashtëzakonshme. Faleminderit shumë”, tha njëra prej tyre.

Të fundit