Flash News

Eksplozivi i lidhur me celular në Durrës, arrestohen dy persona

Bie në humnerë, humb jetën 40-vjeçari në Malësi të Madhe

Himara dhe Fieri digjen gjithë natën, Rama e mbyll me një postim: Situata është nën kontroll

Kuvendi rikthehet në punime më 8 shtator, territorialja në fokus

‘Përtej oqeanit’/ Berisha mbërrin në SHBA, shqiptarët i japin mirëseardhjen e ngrohtë kreut të PD-së

E-TJERA

Në garë për politikën lokale në Kanada, vajza e Mirush Kabashit: Mbështes protestat në Shqipëri

Politiko 5 September 2026, 19:33

kabashi.jpg

Mendi Kabashi, vajza e aktorit të njohur shqiptar Mirush Kabashi, është futur në garën për Këshillin Bashkiak të Mississaugas në Ontario të Kanadasë, ku kandidon për Ward 3 në zgjedhjet lokale të 26 tetorit.

Në një intervistë në News 24, Kabashi ka rrëfyer rrugëtimin e saj drejt politikës lokale dhe arsyet që e shtynë të ndërmarrë këtë hap. Ajo thotë se prej kohësh është e angazhuar me komunitetin dhe se fushata e saj po zhvillohet kryesisht në terren, duke takuar banorët dhe dëgjuar nga afër problematikat e tyre.

Ward 3, zona ku ajo kandidon, është një komunitet me rreth 65 mijë banorë, ndërsa Kabashi e përshkruan kandidimin si një përgjegjësi dhe jo si një garë për një post politik.

“Besoj se do të ishte krenar për mua. Dua ta vazhdoj trashëgiminë e tij duke lënë një emër të mirë, duke qnë në shërbim të qytetarëve dhe t’u shërbej me dinjitet, përulësi dhe dëvotshmëri, duke prekur jetët e tyre. E bëj këtë jo për një titull apo karrige, por për një qëllim më të madh se vetja ime.”, tha jo.

E pyetur për protestat në Shqipëri, ajo tha se nuk e sheh veten të angazhuar aktualisht në politikën shqiptare, por u shpreh qartë në mbështetje të të drejtës së qytetarëve për të protestuar.

“Jam tërësisht në mbështetje të zërit të qytetarëve, sidomos për faktin që unë për këtë kam nisur këtë rrugëtim për ta sjellë këtu zërin e qytetarëve shqiptarë apo kudo nga vijnë nga çfarëdo lloj ngjyre besimi apo bekgraundi, domethënë më afër bashkisë. Ky është qëllimi im kryesor.

Domethënë çdo përfaqësues në politikën lokale apo kudo qoftë duhet të jetë përfaqësues i zërit të qytetarëve. Sot qytetarët shqiptarë po ngrenë zërin sepse nuk duan ta humbin atë dhe mendoj që ky mision duhet të vazhdojë derisa zëri të kumbojë fort dhe qëllimet dhe vullneti i qytetarëve të çohet deri në fund.”, shtoi ajo.

Të fundit