Rr. Ismail Qemali, Pallati 18, Kati 1, 1001, Tiranë, Shqipëri
“Shekulli Group”
Për të përdorur kartën e bankës me qëllim tërheqjen e parave në ATM ose për të bërë blerje në dyqane përmes POS-eve, shpesh qytetarët përballen edhe me tarifa shtesë për këmbimin e monedhës, të cilat I vënë re vetëm pasi u janë hequr nga llogaria. Por duket se këtij problemi i ka ardhur fundi.
Banka e Shqipërisë ka vendosur rregulla të reja që mbrojnë xhepin e qytetarëve.
Nga sot, bankat dhe dyqanet do të jenë të detyruara t’ju tregojnë qartë dhe para se të veproni, se sa kushton saktësisht këmbimi i valutës. Ju do ta shihni në ekranin e ATM-së ose të aparatit POS, në të cilin po kryeni pagesën se cili është kursi zyrtar dhe çfarë tarife shtesë po ju aplikohet. Madje, për çdo transaksion, banka do t’ju dërgojë edhe një njoftim elektronik në telefon.
E njëjta lehtësi do të vlejë edhe kur bëni dërgime parash ose transferta online nga kompjuteri ose telefoni. Para se ju të konfirmoni dërgimin e parave, sistemi do t’ju japë faturën e plotë se sa është tarifa e këmbimit dhe sa do të jetë shuma totale që do t’i shkojë marrësit, pa pasur frikë se do t’ju mbahen para fshehtas.
Këto ndryshime synojnë t’i japin fund abuzimeve dhe t’i bëjnë veprimet e përditshme me kartë dhe para sa më të sigurta e transparente për çdo qytetar.
Për t’u bërë pjesë e grupit të "Shekulli"
mjafton të klikoni: Join our FB Group dhe kërkesa do t’ju aprovohet.
KOMUNITETI SHEKULLI ONLINE: https://www.facebook.com/groups/1381242728701899/
.jpg)
