Te fundit
Rusia rikthehet në tryezën e G20, SHBA hap derën e dialogut me Moskën, kritikohet nga vendet evropiane
1 Shtator 2026, 11:50Bota
TEMA
Një përplasje e qartë mes qasjes amerikane dhe asaj evropiane ndaj Rusisë është shfaqur në takimin e G20-s në Asheville të Shteteve të Bashkuara. Prania e ministrit rus të Financave në atë samit, për herë të parë që nga nisja e pushtimit të Ukrainës, nxori në pah dallimet mes Shteteve të Bashkuara dhe aleatëve të tyre evropiane për mënyrën se si duhet trajtuar Rusia.
Sekretari amerikan i Thesarit, Scott Bessent, u takua me ministrin Siluanov duke sinjalizuar gatishmërinë e administratës Trump për të mbajtur të hapura kanalet e komunikimit me Moskën. Sipas Departamentit amerikan të Thesarit, dy zyrtarët diskutuan planin e Presidentit Trump për paqen në Ukrainë dhe çështje ekonomike, por Sekretari amerikan i Thesarit përjashtoi mundësinë e lehtësimit të sanksioneve ekonomike ndaj Moskës për sa kohë që lufta në Ukrainë vazhdon.
Nga ana e saj, ministria ruse e Financave deklaroi se bisedimet u përqendruan te çështjet financiare mes dy vendeve dhe angazhimin e Rusisë në G20. Megjithatë Evropa mban një qëndrim krejt tjetër.
Ministrat evropiane kundërshtuan trajtimin e Rusisë si një pjesëmarrëse normale në samitin G20. Ministri gjerman i Financave, Lars Klingbeil tha se nuk mund të ketë normalizim të marrëdhënieve me Moskën ndërsa lufta në Ukrainë vazhdon, duke theksuar se kjo qasje e përbashkët nga evropianët rezultoi që fotografia tradicionale familjare e ministrave të Financave të G20-ës dhe guvernatorëve të bankave qendrore të bëhet pa ministrin dhe delegacionin rus.
Ndërkohë që Washingtoni edhe pse nuk premton lehtësime ekonomike për Rusinë pa përfundimin e luftës, po zgjedh dialogun si një mjet për të ecur përpara me negociatat e paqes, Europa kërkon të ruajë presionin dhe izolimin e Rusisë deri në përfundimin e luftës ndaj Ukrainës.
2 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Trumpi , zagari i Putinit …EU cduhet te cuditet pasi e kish te qarte qe edhe ne 2016 ruset e sollen ne fuqi gallofen ….
Lideret dhe kryeministrat e BE nuk i pjerdh njeri vec e vec ne rendin e ri boteror qe po ndryshon lehin kot as i pjerdh fare Trump e vetmja zgjidhje eshte krijimi i USE.sipas modelit USA.