Te fundit
U arrestua në Abu Dhabi, kush është Nexhmedin Danaj, pjesë e grupit të Visit të Pojës dhe pronari i televizionit ‘Vlora Cable’
1 Shtator 2026, 18:50Kronika
TEMA
57 vjeçari Nexhmedin Danaj, është arrestuar provizorisht në Dubai, me qëllim ekstradimin në Shqipëri, në kuadër të operacionit ndërkombëtar të koduar “The Wanted”.
Danaj ishte shpallur në kërkim ndërkombëtar, pasi Gjykata e Posaçme e Shkallës së Parë për Korrupsionin dhe Krimin e Organizuar, në prill të vitit 2026, i kishte caktuar masën e sigurisë “Arrest në burg”.
Hetimi lidhet me trafik ndërkombëtar të kokainës dhe me një rrjet aktiviteti mes Shqipërisë dhe vendeve të tjera europiane. Në operacionin “Ura” u lëshuan 52 masa sigurie nga autoritetet shqiptare dhe italiane.
Në kuadër të operacionit “Ura”, u raportua edhe për sekuestrimin e pasurive dhe kompanive që autoritetet dyshonin se lidheshin me aktivitetin kriminal. Në listën e raportuar përfshihej edhe “Dubai Inn” dhe “Vlora Cable”, të lidhura me Danajn.
Nexhmedin Danaj është i njohur si pronar i kompanisë “Vlora Cable” në Vlorë, një shoqëri që operon në fushën e televizionit kabllor dhe ofron shërbime televizive për qytetin e Vlorës.
Televizioni ‘Vlora Cable’ që është sekuestruar në Vlorë, rezulton të jetë në pronësi të Nexhmedin Danajt, i cili në emër të gruas Algerta Fejzullau ka një tjetër biznes, “Dubai Inn”, në fushën e hoteleri dhe turizmit.
Sipas hetimeve, dyshohet se 57-vjeçari, në kuadër të një grupi të strukturuar kriminal, ka bashkëfinancuar, mundësuar dhe koordinuar trafikimin e lëndëve narkotike nga Amerika Latine drejt vendeve të Bashkimit Evropian.
Gjithashtu, ai akuzohet se ka përdorur metoda të sofistikuara financiare, përfshirë transferta digjitale, për kryerjen e pagesave të konsiderueshme në disa shtete, me qëllim blerjen e lëndëve narkotike.
Ndërkohë, vijon bashkëpunimi mes Interpol Tiranës dhe Interpol Abu Dhabit për finalizimin e procedurave për ekstradimin e 57-vjeçarit drejt Shqipërisë.
3 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Paska edhe televizion boti
E si ka mundësi që nuk shohin edhe atë vllain tjetër thellë, me rrjet telefonash. Që e kishin edhe në bashki... Thua se nuk ishin të njëjtët e të njëjtat burime paresh. Apo me demek se ai e kishte më mirë me e-Dramën... Nqs ky ishte krahu i punës, ai tjetri ishte truri...
race m*ti, race turqsh islamike, keta bajga na ndyne vendin, perse e sillni ne shqiperi kete bastard, merrjani pasurine dhe s'ke çe doni ne shqiperi kete mbetje turke.