Një situatë shqetësuese është denoncuar nga banorët e Sukthit, të cilët prej kohësh përballen me probleme serioze në rrjetin e kanalizimeve të ujërave të zeza.
Sipas denoncimit të banorëve në Piranjat news, bllokimet dhe amortizimi i rrjetit bëjnë që ujërat e zeza dhe fekalet të dalin në sipërfaqe, duke përfunduar pranë banesave dhe në oborret e shtëpive.
Problemi është përsëritur disa herë, veçanërisht gjatë muajve të verës, shprehen banorët për Piranjat news.
Banorët thonë se janë drejtuar edhe pranë Njësisë Administrative Sukth dhe Bashkisë Durrës, duke kërkuar ndërhyrje për zgjidhjen e problemit, por deri tani nuk kanë marrë një përgjigje.
Situata pritet të bëhet edhe më problematike me ardhjen e reshjeve dhe stinës së dimrit, ndërsa banorët kërkojnë që institucionet përgjegjëse të ndërhyjnë sa më shpejt. /Piranjat news
