Vijon në ditën e 97-të protesta antiqeveritare në Tiranë, ndërsa qytetarët dhe protestuesit kanë nisur marshimin nëpër rrugët e kryeqytetit.
Në krye të marshimit janë vendosur studentë dhe të rinjtë, të cilët kanë përcjellë mesazhe kundër qeverisë dhe kanë bërë thirrje për ndryshim.
“Pa rini, nuk ka Shqipëri!” dhe “Studentët kërkojnë revolucion!” janë ndër thirrjet e protestuesve gjatë marshimit.
Marshimi vjen në kuadër të protestës së 97-të të kësaj lëvizjeje, e cila vijon prej javësh me kërkesa kundër qeverisë dhe kryeministrit Edi Rama për dorëheqje.
