Flash News

Eksplozivi i lidhur me celular në Durrës, arrestohen dy persona

Bie në humnerë, humb jetën 40-vjeçari në Malësi të Madhe

Himara dhe Fieri digjen gjithë natën, Rama e mbyll me një postim: Situata është nën kontroll

Kuvendi rikthehet në punime më 8 shtator, territorialja në fokus

‘Përtej oqeanit’/ Berisha mbërrin në SHBA, shqiptarët i japin mirëseardhjen e ngrohtë kreut të PD-së

OPINEWS

Ambulanca që nuk erdhi është aktakuzë ndaj Ramës e qeverisë së tij

Politiko 1 September 2026, 17:17

afsrghdtjhfyjf.jpg

Nga Luçiano Boçi
David Deda dhe Sokol Preka dolën për të pirë një kafe. Nuk u kthyen më.
Ranë në kontakt me energjinë elektrike në Karmë, ndërsa banorët dëshmojnë se ambulanca mbërriti rreth një orë e gjysmë pas njoftimit.
Ata denoncojnë hapur se Vau i Dejës ka prej muajsh pa ambulancë, pa urgjencë funksionale dhe pa mjekë gjatë 24 orëve.
E ky është një tmerr i parrëfyer.
Një orë e gjysmë me vonesë, nga Shkodra!
Në emergjencë, kjo nuk është thjesht vonesë. Është një pambarimësi ankthi midis jetës dhe vdekjes.
Ardhja në kohë do i kishte shpëtuar jetët, por shteti i Ramës ua ka mohuar mundësinë banorëve për ta marrë ndihmën e duhur.
Ky është realiteti që fshihet pas propagandës së “shëndetësisë falas”. Qeveria ka miliona për koncesione, zyra, fasada dhe filma propagandistikë, por nuk gjen një ambulancë për një zonë me dhjetëra mijëra banorë.
Ja çfarë do të thotë njëherazi “efikasiteti” i centralizimit të shërbimeve, largim i shërbimit nga qytetari dhe mospërfillje e tij.
E gjithcka më pas paguhet me ankth, dhimbje, largime masive dhe, ndonjëherë, me jetë njerëzish.
Salaj e Ramës që ende hesht, duhet të publikojë menjëherë orën kur është marrë telefonata për ndihmë, orën e nisjes dhe të mbërritjes së ambulancës, vendndodhjen e ambulancave në atë moment, arsyen pse Vau i Dejës ka mbetur pa mjet urgjence dhe emrat dhe përgjegjësitë e drejtuesve që e lejuan këtë gjendje, duke filluar nga vetë Ministrja.
Duhet hetim i plotë, përgjegjësi administrative dhe penale e qartë.
Qytetarët e Vaut të Dejës nuk kërkojnë luks. Kërkojnë të drejtën elementare që, kur luftojnë për jetën, shteti të mos mbërrijë pasi gjithçka ka marrë fund e vdekja ka vendosur ligjin e saj.
Ngushëllimet më të ndjera familjeve Deda dhe Preka!
Dhimbja e tyre nuk duhet të mbulohet nga heshtja institucionale e mosndëshkimi i përgjegjësve të drejpërdrejtë dhe të atyre që sot qeverisin me harbutëri dhe arrogancë ekstreme.

Të fundit