Dy të moshuar kanë mbetur të plagosur mesditën e kësaj të mërkure në Berat, pasi janë përplasur nga një furgon që ka dalë nga rruga dhe është futur në trotuar. Ata ndodhen aktualisht në spital, nën kujdesin e mjekëve.
Paraprakisht, bëhet me dije se shoferi rreth 60 vjeç ka humbur kontrollin e mini-furgonit dhe është ngjitur mbi trotuar, në kryqëzimin në qendër të Beratit, duke përplasur çiftin e të moshuarve.
Nikolla dhe Maria Manestra ishin duke pritur që të hapej semafori dhe të kalonin në vijat e bardha, për në anën tjetër të rrugës, kur furgoni i ka përplasur. Burrë e grua, 82 dhe 80 vjeç, kanë marrë lëndime dhe ndodhen në spital.
Shërbimet e Policisë së Beratit shkuan me shpejtësi në vendngjarje, bashkë me ekipet e urgjencës mjekësore, për të zbardhur shkaqet e aksidentit dhe duke u dhënë ndihmën e parë dy të plagosurve.
Shoferi Arben Brahimaj është shprehur para policëve se në një moment i janë bllokuar timoni dhe frenat, duke humbur kontrollin mbi furgonin. Ai është shoqëruar në komisariat ndërsa grupi hetimor po punon për zbardhjen e shkaqeve të aksidenti.
Sondazh
Lexo gjithashtu
