SPAK ka qenë pjesë e Konferencës Ndërkombëtare për Luftën kundër Drogave, e zhvilluar në Buenos Aires të Argjentinës, në një aktivitet ku u mblodhën përfaqësues të institucioneve të drejtësisë dhe agjencive ligjzbatuese nga disa vende të botës.
Në këtë takim kanë qenë të pranishëm drejtuesi i SPAK, Klodian Braho, ish-drejtuesi Altin Dumani, si dhe prokurori i posaçëm Vladimir Mara. Pjesëmarrja e tyre vjen në kuadër të forcimit të bashkëpunimit me partnerët ndërkombëtarë në luftën kundër krimit të organizuar dhe trafikut ndërkombëtar të drogës.
Mbështetja për pjesëmarrjen e përfaqësuesve të SPAK në këtë konferencë është bërë nga Departamenti i Drejtësisë i Shteteve të Bashkuara, përmes Zyrës së Prokurorëve të Huaj për Zhvillimin, Ndihmën dhe Trajnimin.
Gjatë konferencës, drejtuesi i SPAK mori pjesë në takimet e organizuara nga DEA, ndërsa prokurorët shqiptarë zhvilluan 12 takime të nivelit të lartë me homologë nga Shtetet e Bashkuara, Kolumbia, Ekuadori, Ukraina, Paraguai dhe Argjentina.
Përmes këtyre kontakteve, synohet forcimi i koordinimit dhe shkëmbimit të informacionit me autoritetet e vendeve partnere, veçanërisht përballë rrjeteve kriminale që veprojnë përtej kufijve.
Ambasada amerikane në Tiranë e ka vlerësuar pjesëmarrjen e SPAK si pjesë të përpjekjeve për një bashkëpunim më të ngushtë ndërkombëtar kundër organizatave kriminale dhe trafikut të drogës, duke nënvizuar rëndësinë e koordinimit mes institucioneve ligjzbatuese në Europë, Amerikën Latine dhe Shtetet e Bashkuara.
“Divizioni Penal i Departamentit të Drejtësisë të Shteteve të Bashkuara, përmes OPDAT, e solli SPAK-un në qendër të përpjekjeve globale kundër krimit të organizuar ndërkombëtar. Në Buenos Aires, Drejtuesi i SPAK mori pjesë në Konferencën Ndërkombëtare për Luftën kundër Drogave #IDEC40 nga Agjencia e Shteteve të Bashkuara kundër Narkotikëve (DEA) – forumi kryesor global i sponsorizuar nga Shtetet e Bashkuara për integrimin operacional, koordinimin dhe bashkërendimin e veprimeve kundër organizatave kriminale ndërkombëtare, përfshirë Organizatat e Huaja Terroriste të përcaktuara nga Shtetet e Bashkuara. Duke u mbështetur në #IDEC40, prokurorët e SPAK zhvilluan 12 takime të nivelit të lartë me homologë nga Shtetet e Bashkuara, Kolumbia, Ekuadori, Ukraina, Paraguai dhe Argjentina, duke forcuar marrëdhëniet dhe koordinimin operacional të nevojshëm për të goditur dhe luftuar kërcënimet ndërkombëtare në Europë, Amerikën Latine dhe Shtetet e Bashkuara”, thuhet në njoftimin e bërë nga Ambasada.
View this post on Instagram
Sondazh
Lexo gjithashtu
