Dyshohet se sulmoi me sëpatë fëmijët në një park në Prishtinë, arrestohet një grua

Policia e Kosovës ka arrestuar një grua në Prishtinë më 30.08.2026.

Në raportin 24 orësh të Policisë thuhet se e arrestuara dyshohet se në një park në kryeqytet kishte sulmuar fëmijët me sëpatë dhe kishte demoluar parkun.

Policia e Kosovës më pas ka sekuestruar një sëpatë nga e dyshuara.

“Është pranuar informata se në një park të fëmijëve një grua e dyshuar ishte duke i sulmuar fëmijët me sëpatë dhe është duke e demoluar parkun. Njësia policore ka dalë në lokacion, ku ka takuar të dyshuarën femër kosovare nga e cila është sekuestruar një sëpatë”- thuhet në raportin e Policisë.

Me urdhër të prokurorit, e dyshuara, pas inicimit të rastit, është dërguar në mbajtje.