Te fundit

Muli vrapon në Poliçan pas djegies së teserave të PS

1 Gusht 2026, 19:14Antena TEMA

Një revoltë e madhe ka shpërthyer mes kryetarëve të bashkive socialiste që do të shkrihen dhe qeverisë shqiptare.

Kryebashkiakët në ikje kanë mobilizuar popullin të djegë teserat e PS-së në çdo qytet. I pari e nisi Poliçani.

Muli u gëzua shumë nga ky zhvillim. Sapo pa njerëzit që po digjnin teserat e PS-së, u përpoq të gjente kush ishte kryetar partie në Poliçan, për ta nisur urgjent në takim me qytetarët.

Pasi u mundua ca, zbuloi se ka pasur një kryetar partie para dy vjetësh, por paska ikur jashtë.

I deleguari mbërriti në Poliçan një ditë pas djegies së teserave dhe u përpoq të testonte reagimin e njerëzve.

Atëherë vendosi të dërgojë një të deleguar të ri.

Të parin që takoi e pyeti:

– A ishe dje në protestë?

– Isha, o byrazer, isha, – i tha. – Na e hoqën kryetarinë. Bashkisë na kanë vënë një grua tani.

– Po ku e di ti që do ta keni grua? – i tha i dërguari i Mulit.

– Po ashtu do ta kemi, o byrazer, se do na bashkojnë me një bashki që e ka grua kryetaren.

– Por PD do të vërë një kandidat burrë, – i tha i dërguari i Mulit, – dhe ne do ta mundim atë gruan.

– Po PD të vërë kë të dojë, – i tha qytetari, – por ajo gruaja do fitojë, se është e socialistëve.

– Po a i dogjët teserat ju? – tha i dërguari i Mulit.

– I dogjëm, o byrazer, por kur votohet, votohet me kartë identiteti. Nuk ka problem që s'ke teser.

– Po ju kot i dogjët ato? – i tha i dërguari i Mulit.

– Si, o kot? Jemi shumë të revoltuar. Në shenjë zemërimi i dogjëm.

– Po pse do votoni prapë PS pastaj?

– Ta dijë partia që nuk ia kemi me hile, – i tha qytetari. – Se kanë hapur llafe sikur ne jemi armiq të partisë. Ne jemi të mërzitur, po jo armiq. Dhe do ta tregojmë veten.

Lini një Përgjigje

Më të lexuarat

Blog Tema

Powered by Tomorrow.io