Te fundit
Portugalia rrit kontrollet kufitare pas krizës së emigrantëve në Ceuta, kryeministri: Duhet forcuar siguria
1 Gusht 2026, 10:00Bota
TEMA
Kryeministri i Portugalisë, Luis Montenegro, ka njoftuar se qeveria e tij synon të rrisë kontrollet në kufijtë tokësorë dhe detarë, veçanërisht në pjesën jugore të vendit, pas rritjes së fluksit të emigrantëve në zonën e Ceutës.
Montenegro deklaroi se ekzistojnë arsye për të shtuar praninë e forcave të rendit në zonat kufitare, duke theksuar nevojën për një monitorim më të fortë të lëvizjeve migratore.
Reagimi i qeverisë portugeze vjen pas mbërritjes së rreth 60 mijë emigrantëve në Ceuta, enklavën spanjolle në Afrikën veriore, të cilët kaluan ilegalisht kufirin nga Maroku.
Megjithatë, kryeministri portugez tha se nuk e sheh të nevojshme pezullimin e rregullave të zonës Shengen.
“Situata është serioze, por ekzistojnë mekanizma për ta menaxhuar dhe rikthyer kontrollin në mënyrë të koordinuar”, u shpreh Montenegro.
Qeveria e Lisbonës bëri të ditur më herët se forcat portugeze të sigurisë do të bashkëpunojnë me autoritetet spanjolle për menaxhimin e situatës.
Ndërkohë, partia e ekstremit të djathtë Chega ka njoftuar se do të paraqesë një propozim për rikthimin e kontrolleve në kufirin tokësor mes Portugalisë dhe Spanjës, një masë që do të shënonte një ndryshim të rëndësishëm në zbatimin e lëvizjes së lirë brenda zonës Shengen.
1 Komente
Lini një Përgjigje
Më të lexuarat
24 oret e fundit
Javen e fundit
Blog Tema
Myslimanët nukë bën shtet as komb kurrë... Maroko shumë afër Evropës ështe njësoj si ne ..