Zjarri në zonën e Kashnjetit në Lezhë ka përfshirë sipërfaqe të konsiderueshme toke dhe ka shkaktuar edhe dëme materiale.
Mësohet se disa banesa janë djegur, të cilat në momentin e përfshirjes nga flakët kanë qenë të pabanuara.
Për shkak të terrenit të vështirë dhe pamundësisë për të ndërhyrë në disa zona nga toka, operacioni po mbështetet nga ajri.
Aktualisht, dy helikopterë po operojnë për të neutralizuar vatrat e zjarrit.
Ndërkohë, në zonën e prekur është vendosur edhe një perimetër sigurie, pasi dyshohet se në disa pjesë mund të ketë shpërthime të fishekëve të mbetur.
