Këngëtari dhe ish-banori i Big Brother VIP Albania, Joz Marku dhe disa miq të tij kanë dhunuar ish-banorin e BBVIP Kosova, Eduart Kuçin.
Konflikti mes tyre ka nisur si pasojë e një videoje të publikuar nga Eduarti, i cili e ka sharë këngëtarin nga familja, duke u shprehur se nuk do ta lejojë pa marrë hakun e shokut të tij, Gjestit. Madje, Eduart Kuçi ka kërcënuar Markun se, nëse do të shkelte në Kosovë, atëherë do të përballej me hakmarrjen e tij.
Pak kohë më vonë, pas këtij kërcënimi të bërë live, të dy këta personazhe janë hasur rastësisht në rrugë, duke u ballafaquar për deklaratat e bëra nga Kuçi.
Në pamje shihet se situata kalon në përplasje fizike, ku Eduart Kuçi goditet disa herë nga Jozefin Marku, i cili i kërkon llogari për ofendimet dhe kërcënimet e bëra në rrjetet sociale.
Në video shihet Kuçi i cili i kërkon falje dhe i ulet në gjunjë.
Por, gjëja më e çuditshme pas kësaj video është fakti se Drejtoria Vendore e Policisë së Lezhës nuk ka ndërmarrë asnjë veprim ligjor ndaj personave të përfshirë në konflikt, por ka heshtur duke dëshmuar se ka dështuar në zbatimin e ligjit dhe ruajtjen e rendit.
