Flash News

Eksplozivi i lidhur me celular në Durrës, arrestohen dy persona

Bie në humnerë, humb jetën 40-vjeçari në Malësi të Madhe

Himara dhe Fieri digjen gjithë natën, Rama e mbyll me një postim: Situata është nën kontroll

Kuvendi rikthehet në punime më 8 shtator, territorialja në fokus

‘Përtej oqeanit’/ Berisha mbërrin në SHBA, shqiptarët i japin mirëseardhjen e ngrohtë kreut të PD-së

Ditari i Opozitës

“Flamingot socialistë”, pas Ramës reagon Bardhi: Konsultimi për hartën e re territoriale është formal

Politiko 2 August 2026, 18:59

edi-rama-gaz-bardhi.jpg

Pas reagimit të kryeministrit Edi Rama ndaj kundërshtimeve për reformën administrativo-territoriale, ka ardhur edhe përgjigjja e kreut të Grupit Parlamentar të Partisë Demokratike, Gazment Bardhi.

Në një postim në rrjetet sociale, Bardhi akuzon Ramën se procesi i konsultimit publik për hartën e re territoriale është thjesht formal, pasi sipas tij vendimi është marrë më herët dhe konsultimet po përdoren vetëm për ta legjitimuar atë.

Deputeti demokrat i përgjigjet edhe deklaratës së Ramës, i cili e cilësoi normale kundërshtimin e disa socialistëve , ndaj edhe ironizoi arsyet e protestave. Sipas Bardhit, kryeministri nuk po dëgjon shqetësimet e ngritura nga qytetarët dhe drejtuesit vendorë.

“Socialistët nuk i dogjën teserat e PS-së as për historinë, as për gojëdhënat. Ata u bënë flamingo sepse refuzojnë të bëhen sërish kavje për vendimet e çmendura të kryetarit dhe kryeministrit të tyre”, shprehet ai.

Bardhi thekson se kundërshtimet ndaj reformës nuk janë çështje politike, por lidhen me shqetësimet se ndryshimet e propozuara do të largojnë vendimmarrjen nga komunitetet, do të dobësojnë përfaqësimin vendor dhe mund të përkeqësojnë ofrimin e shërbimeve për qytetarët.

Reagimi i Bardhit: 

Për flamingot socialistë të bashkive në protestë! Edi Rama nuk po zhvillon një konsultim për hartën administrativo-territoriale. Po zhvillon një konsultim formal për një vendim të paracaktuar, njësoj si tenderat e Belindës. Prandaj edhe tallet me ata që flasin. Sepse Edi Rama nuk ka ndërmend të dëgjojë askënd që mendon ndryshe prej tij dhe prek interesat e tij të ngushta.

Nëse konsultimi do të ishte i sinqertë, kryeministri nuk do t’i kërcënonte kryetarët e bashkive dhe socialistët 24 karatësh që kundërshtojnë projektin e tij. Minimalisht, do t’i dëgjonte dhe do të reflektonte. Socialistët nuk i dogjën teserat e PS-së as për historinë, as për gojëdhënat, as sepse u dhimbsen 2 mijë dëshmorët që nga antikiteti, siç ironizon Edi Rama. Socialistët u bënë flamingo, sepse refuzojnë të bëhen sërish kavje për vendimet e çmendura të kryetarit dhe kryeministrit të tyre.

Socialistët, demokratët, ata qytetarë të tjerë pa parti nuk po kërkojnë privilegje. Ata po ngrenë shqetësime për një reformë që e largon vendimmarrjen prej tyre, dobëson përfaqësimin e tyre dhe rrezikon t’i lërë ata me më pak shërbime. Për këto shqetësime, Edi Rama nuk jep asnjë përgjigje. Përkundrazi, zgjedh t’i përqeshë, si gjithmonë, kur argumentet nuk janë në anën e tij.

Një reformë administrativo-territoriale duhet të ndërtohet mbi interesin e qytetarëve: shërbime më të mira, përfaqësim më të drejtë dhe pushtet vendor më funksional. Jo mbi interesin e kryeministrit për të vizatuar një hartë që i shërben llogarive të tij elektorale. Në vend që të harxhojë kohën me konsultime të paracaktuara, Edi Rama nuk duhet të fshihet pas votës së Parlamentit noter. Le të shkojë të përballet me qytetarët në referendum.

Të fundit