Ambasadori i Bashkimit Evropian në Kosovë, Dirk Schuebel, ka zhvilluar takimin e tij të parë me shefat e misioneve të shteteve anëtare të BE-së në Kosovë.
Sipas një njoftimi të publikuar nga Zyra e BE-së në Kosovë, gjatë takimit është diskutuar për situatën politike dhe zhvillimet e fundit në vend.
Në takim është diskutuar edhe për përafrimin e plotë vullnetar të Kosovës me Politikën e Përbashkët për Punë të Jashtme dhe Siguri të Bashkimit Evropian.
“Pavarësisht sfidave, ndjeva mbështetje të palëkundur për integrimin e Kosovës në BE dhe për të punuar me të gjithë në Kosovë drejt këtij rrugëtimi”, ka thënë Schuebel.
Në njoftim thuhet se takimi ka shërbyer për shkëmbimin e pikëpamjeve mbi zhvillimet aktuale politike në Kosovë.