Rr. Ismail Qemali, Pallati 18, Kati 1, 1001, Tiranë, Shqipëri
“Shekulli Group”
Një 17-vjeçar shqiptar është arrestuar në Itali si i dyshuari i dytë për vrasjen e një 25-vjeçari, punonjës poste, në Pavia.
Adoleshenti akuzohet për bashkëpunim në vrasje me dashje, ndërsa hetimet po vijojnë për të zbardhur rolin e tij dhe të personave të tjerë të përfshirë në ngjarje.
Ngjarja e rëndë ndodhi prillin e kaluar në parkingun e zonës Cattaneo, pranë qendrës historike të Pavias. Viktima, Gabriele Vaccaro, u godit me thikë në fyt pas një konflikti që dyshohet se nisi për një çështje banale, lidhur me një picë për ta marrë me vete.
Menjëherë pas vrasjes, policia ndaloi një 16-vjeçar, i dyshuar si personi që kreu goditjet me thikë që i morën jetën 25-vjeçarit. Në kuadër të hetimeve, autoritetet kishin denoncuar edhe katër të rinj të tjerë që ndodheshin në shoqërinë e të miturit.
Sipas hetimeve, 17-vjeçari shqiptar ishte pjesë e grupit të përfshirë në sulm. Gjatë përleshjes, ai dyshohet se ka përdorur trupin e tij për të mbrojtur autorin e dyshuar të goditjeve me thikë dhe më pas është larguar bashkë me të.
Hetuesit dyshojnë gjithashtu se 17-vjeçari i ka dhënë autorit të dyshuar rrobat e tij, me qëllim që ta ndihmonte të shmangte kontrollet e forcave të rendit.
Pas arrestimit, i mituri shqiptar është transferuar në Institutin Penal për të Mitur “Cesare Beccaria” në Milano.
Për t’u bërë pjesë e grupit të "Shekulli"
mjafton të klikoni: Join our FB Group dhe kërkesa do t’ju aprovohet.
KOMUNITETI SHEKULLI ONLINE: https://www.facebook.com/groups/1381242728701899/
.jpg)
