Rr. Ismail Qemali, Pallati 18, Kati 1, 1001, Tiranë, Shqipëri
“Shekulli Group”
Brigitte Macron është rikthyer sërish në qendër të polemikave, por këtë herë jo për shkak të saj.
Sensacioni i fundit i raportuar nga mediat e huaja është lidhja e vajzës 42-vjeçare Tiphaine Auziere, me një student 20 vite më të ri se ajo. Lidhjen e ka bërë publike vetë 42-vjeçarja, e cila publikoi një foto në rrjetet sociale me 22-vjeçarin Antoine Lecomte. Raportohet se çifti u njoh në qytetin bregdetar Le Touquet, ku 22-vjeçari punon si instruktor sërfi. Një burim i afërt me çiftin tregoi se tërheqja mes tyre ishte e menjëhershme, pasi kanë shumë të përbashkëta.
Kjo histori ngjan shumë me atë të nënës së 42-vjeçares, tashmë zonja e parë e Francës.
Brigitte e njohu presidentin Emmanuel Macron, i cili është 24 vite më i ri, kur ajo ishte mësuese. Në atë kohë ajo punonte në një shkollë katolike në veri të Francës, ndërsa Macron ishte vetëm 15 vjeç. Edhe pse Brigitte ishte 39 vjeç dhe e martuar me 3 fëmijë, Emmanuel krijoi ndjenja për të. Në një intervistë për lidhjen e tyre, Brigitte ka treguar se ajo besonte fillimisht që ai ishte i interesuar për të bijën, pasi ishin më të përafërt në moshë. Por pasi u mësua e vërteta, familja e dërgoi Emmanuel në një shkollë me konvikt për ta larguar.
Por ndarja nuk i dha fund lidhjes së tyre. Të dy vazhduan të mbanin kontakt dhe Brigitte i tha “Paris Match” se fillimisht u përpoq të mbante distancë sepse ishte e shqetësuar për efektin që do të kishte marrëdhënia e tyre tek fëmijët e saj, të cilët ishin në moshë të ngjashme me Emmanuelin. Ajo tha se kaloi vite duke u dhënë përparësi fëmijëve të saj përpara se të vendoste përfundimisht se nuk donte të hiqte dorë nga lumturia e saj.
Çifti u martua përfundimisht në vitin 2007, disa vite pasi Brigitte u divorcua nga bashkëshorti i saj i parë. Emmanuel vazhdoi të hynte në politikë dhe u zgjodh president i Francës në vitin 2017.
Për t’u bërë pjesë e grupit të "Shekulli"
mjafton të klikoni: Join our FB Group dhe kërkesa do t’ju aprovohet.
KOMUNITETI SHEKULLI ONLINE: https://www.facebook.com/groups/1381242728701899/
.jpg)
