Pjesa më e madhe e Italisë, është vendosur nën alarm të kuq për shkak të temperaturave ekstreme.
Autoritetet shëndetësore bëjnë të ditur se 19 qytete duke filluar nga veriu i vendit në drejtim të jugut, përfshirëkëtu: Romën, Milanon, Venecian dhe Napolin, janë qytetet që rrezikohen më të shumta.
Ndërsa bëhet me dije se deri ditën e hënë, të nesërmen, qytetet kryesore të vendit pritet të jenë në të njëjtin nivel rreziku.
Temperaturat arritën të shtunën në rreth 35 gradë Celsius në shumë zona, ndërsa autoritetet paralajmërojnë se rreziku prek jo vetëm grupet më të ndjeshme, si të moshuarit, fëmijët e vegjël dhe personat me sëmundje kronike, por edhe njerëzit e shëndetshëm dhe aktivë.
Sipas buletinit të fundit të Ministrisë italiane të Shëndetësisë, të publikuar të shtunën, deri të hënën rreth 25 nga 27 qytetet kryesore të vendit do të jenë në alarm të kuq.
Vala e katërt e të nxehtit që po përhapet aktualisht në të gjithë Italinë vazhdon: nga 27 qytete të monitoruara, 23 mbeten nën alarm maksimal, sipas Ministrisë së Shëndetësisë.
Vetëm tre qytete janë në zonën portokalli: Ankona, Bari dhe Messina. Vetëm Reggio Calabria, i vetmi qytet me paralajmërim të verdhë, është ende i lejuar për të marrë frymë. Dhe nesër, të hënën, Bari do t'i bashkohet listës së qyteteve në zonën e kuqe.
Ministria u ka bërë thirrje banorëve në zonat e prekura që të shmangin ekspozimin ndaj nxehtësisë dhe rrezet e drejtpërdrejta të diellit gjatë orëve më të nxehta, nga 11:00 deri në 18:00, të qëndrojnë në ambiente të freskëta dhe të konsumojnë shumë lëngje.
Sondazh
Lexo gjithashtu
