Që prej ditës së djeshme po vijojnë kërkimet për gjetjen e minatorit i cili u aksidentua gjatë punës në minierën e kromit të Tërnovës.
Paraprakisht dyshohet se 40-vjeçari ka rrëshqitur duke rënë në një nga furnelat e minierës, e aty dyshohet të jetë zënë poshtë nga një masiv minerali. Deri më tani mbetet e paqartë nëse ai ka humbur jetën apo është gjallë.
Sipas policisë rreth orës 13:00, në vendin e quajtur Tërnovë e Madhe, bashkia Bulqizë, shtetasi I. K., 40 vjeç, banues në Burrel, me detyrë minator/brigadier në një subjekt privat, dyshohet se ka rënë në një furnel gjatë procesit të punës.
Megjithatë, bëhet me dije se ekipet e shpëtimit po vazhdojnë me kërkimet, në kushte të vështira për shkak të strukturës së minierës dhe rrezikut për shembje të tjera.
Ndërsa është zbuluar se miniera e kromit në Tërnovë administrohet nga kompania “Eternal Security”, për të cilët autoritetet kanë nisur hetimet për të zbardhur rrethanat e plota të aksidentit dhe për të përcaktuar shkaqet që çuan në ngjarje.
Sondazh
Lexo gjithashtu
