Një aksident i rëndë ka ndodhur këtë të shtunë në një subjekt privat minerar në zonën e Tërnovës së Madhe, në Njësinë Administrative Zerqan, Bashkia Bulqizë.
Sipas informacioneve paraprake, dyshohet se një minator ka rënë në një furnel gjatë procestit të punës. Dyshohet se 40-vjeçari ka humbur jetën.
Bëhet fjalë për shtetasin I.K., i cili dyshohet se është mbuluar nga materiali i kromit.
Në vendngjarje kanë mbërritur forcat e emergjencës dhe ekipet e specializuara të shpëtimit, të cilat po punojnë për nxjerrjen e minatorit, si edhe për zbardhjen e plotë të rrethanave të ngjarjes.
Njoftimi i Policisë:
Rreth orës 13:00, në vendin e quajtur Tërnovë e Madhe, bashkia Bulqizë, shtetasi I. K., 40 vjeç, banues në Burrel, me detyrë minator/brigadier në një subjekt privat, dyshohet se ka rënë në një furnel gjatë procesit të punës.
Paraprakisht dyshohet se 40-vjeçari është mbuluar nga materiali i kromit. Shërbimet e kërkim-shpëtimit dhe shërbimet e Policisë ndodhen në vendngjarje dhe po vijojnë punën për lokalizimin dhe nxjerrjen e tij.
Grupi hetimor po punon për sqarimin e plotë të rrethanave të ngjarjes.
Sondazh
Lexo gjithashtu
