Policia italiane ka arrestuar një 23-vjeçar, i dyshuar për shpërndarje të lëndëve narkotike në Xhenova.
Sipas mediave italiane, policia po zhvillonin operacione vëzhgimi në lagjen Borgoratti në kuadër të trafikut të drogës, vunë re të riun teksa i dorëzonte një pako me lëndë narkotike një personi tjetër, në këmbim të dy kartëmonedhave.
Policia i ndoqi të dy personat për disa minuta dhe i ndaloi në zonën e Nervit. Gjatë kontrollit, blerësit iu gjet një dozë kokaine, ndërsa 23-vjeçarit iu sekuestruan 12 pako kokaine, të gatshme për shitje, të fshehura në të brendshmet e tij.
Po ashtu, atij iu gjet telefoni celular që dyshohet se përdorej për aktivitetin e paligjshëm, si dhe kartëmonedhat e marra nga shitja e drogës.
Një kontroll i mëvonshëm në banesën e të arrestuarit zbuloi 8,280 euro në para të gatshme, të fshehura në vende të ndryshme të shtëpisë, të cilat dyshohen se kanë ardhur nga trafiku i drogës.
Sondazh
Lexo gjithashtu
