Analisti dhe gazetari Enton Abilekaj, në një intervistë për Syri TV, ka hedhur akuza ndaj qeverisë së Edi Ramës.
Sipas Abilekajt, nismat dhe dokumentet e fundit të mazhorancës tregojnë, sipas tij, një shkrirje gjithnjë e më të madhe mes strukturave të Partisë Socialiste dhe institucioneve shtetërore.
“Edi Rama shtetin shqiptar sot e ka katandisur në atë binomin parti-shtet”, deklaroi Abilekaj.
Ai tha se grupi parlamentar, ministrat dhe strukturat e partisë diskutojnë të njëjtat çështje në të njëjtat tryeza, ndërsa dokumentet e partisë, sipas tij, paraqiten më pas si politika që duhet të zbatohen nga qeveria.
“Praninë besnike”, të Ramës Abilekaj e interpretoi si një mekanizëm për shtrirjen e patronazhimit politik në administratën publike.
“‘Prania besnike’ është patronazhim me urdhër i të gjithë njerëzve që punojnë në qeveri dhe në administratë ndaj qytetarëve.”
“Me ‘Praninë besnike’ patronazhimi bëhet ligj për të gjithë administratën publike”, tha Abilekaj.
