Edi Rama ka përcjellë një mesazh për zyrtarët socialistë, duke u kërkuar që të mos ndërhyjnë pranë drejtuesve të institucioneve për favore apo punësime.
Deklarata e Ramës erdhi gjatë prezantimit të nismës së re “Prania Besnike”, ku theksoi se deputeti nuk duhet të marrë rolin e sekserit, ndërsa strukturat e partisë nuk duhet të shndërrohen në një kanal paralel për zgjidhjen e problemeve që, sipas tij, duhet të adresohen nga institucionet.
“Prania Besnike kërkon që deputeti të mos marrë në telefon një drejtor dhe t’i kërkojë nderë. Nuk shkohet për të marrë vota apo për të rekrutuar patronazhistët e ardhshëm, por për të marrë hallin dhe për ta referuar te institucionet”, u shpreh Rama.
Mesazhi i Ramës vjen në një kohë kur në Bashkinë e Tiranës është shënuar një valë largimesh dhe ndryshimesh në administratë. Një ditë më parë, në media qarkulloi informacioni se disa prej zyrtarëve të Bashkisë së Tiranës kishin kërkuar një takim me kryeministrin pas këtyre zhvillimeve, por nuk kishin marrë përgjigje.
LEXO EDHE:
