Qytetarët marshuan drejt Kryeministrisë, pasi u mblodhën fillimisht në sheshin “Skënderbej” sikurse ditët e tjera të protestës kundër qeverisë.
Ata brohoritën njëzëri thirrjet kundër kryeministrit Edi Rama, duke kërkuar që të japë dorëheqjen dhe të vihet përpara drejtësisë.
Qytetarët po ashtu kërkuan edhe lirimin e 14 protestuesve, të cilët u arrestuan një ditë më parë gjatë tensioneve përpara Kryeministrisë.
“Lironi çunat e gocat”, përsërisnin ata.
Në protestën e 95 qytetarët kanë shprehur mesazhet e tyre edhe nëpërmjet pankartave. Në disa prej të cilave kërkohet që SPAK të hetojë dhe të vendosë drejtësi.
“Pacienti pret, kontratat paguhen, SPAK, heto! SPAK, ndiqi paratë”, shkruhet në një prej pankartave.
