Një 32-vjeçar ka ndërruar jetë këtë mëngjes në 31 gusht në Vlorë, pasi u gjet në gjendje të rënduar shëndetësore në ambientet e dhomave të shoqërimit të Komisariatit të Policisë.
Sipas uniformave blu, shërbimi mjekësor u njoftua menjëherë dhe i riu u transportua me urgjencë në Spitalin Rajonal të Vlorës. Pavarësisht ndërhyrjes së mjekëve, në orën 10:05 u konfirmua se 32-vjeçari kishte humbur jetën.
Viktima, me inicialet E. Sh., ishte arrestuar në flagrancë më 29 gusht, nën akuzën për veprën penale “Vjedhja”. Paraprakisht dyshohet se shkak i vdekjes ka qenë arresti kardiak, ndërsa Prokuroria po vijon hetimet për të zbardhur të plotë rrethanat e ngjarjes
“Vlorë/Informacion paraprak
Sot rreth orës 09:50, në ambientet e dhomave të shoqërimit të Komisariatit të Policisë Vlorë, është konstatuar në gjendje të rënduar shëndetësore shtetasi i arrestuar E. Sh., 32 vjeç, banues në Vlorë.
Menjëherë është njoftuar shërbimi mjekësor dhe 32-vjeçari është transportuar në Spitalin Rajonal Vlorë, ku, në orën 10:05, mjekët kanë konfirmuar se ky shtetas ka humbur jetën.
Paraprakisht dyshohet se 32-vjeçari ka ndërruar jetë si pasojë e arrestit kardiak.
Shtetasi E. Sh. ishte arrestuar në flagrancë më datë 29.08.2026, rreth orës 23:00, për veprën penale “Vjedhja”.
Nën drejtimin e Prokurorisë, vijon puna për sqarimin e plotë të rrethanave dhe dokumentimin ligjor të rastit”, njofton policia.
