Ergys Agasi, i arrestuar një ditë më parë pas disa muajsh në kërkim, do të dalë nesër para Gjykatës së Posaçme kundër Korrupsionit dhe Krimit të Organizuar për t’u njohur me masën e sigurisë.
Seanca gjyqësore është caktuar të zhvillohet në orën 09:30.
Agasi dyshohet për disa vepra penale, mes tyre grup kriminal, pastrim parash, shkelje të barazisë në tendera, konkurrencë të paligjshme dhe heqje të paligjshme të lirisë.
Hetimet e SPAK lidhen me aktivitetin e tij dhe rolin që dyshohet se ka pasur në një skemë brenda AKSHI-t, ku tenderat me vlera miliona euro dyshohet se paracaktoheshin.
Ergys Agasi u arrestua në zonën e Plepave në Durrës, gjatë një operacioni të zhvilluar nga Policia e Shtetit në bashkëpunim me SPAK.
Së bashku me të u arrestua edhe ish-zyrtari i Policisë, Ulian Shpataraku, i cili ndodhej në të njëjtin automjet me biznesmenin.
Agasi ishte shpallur në kërkim nga SPAK rreth 8 muaj më parë. Tashmë, vendimi i GJKKO-së do të përcaktojë masën e sigurisë ndaj tij, ndërsa hetimet për dosjen vijojnë.
