Greqia jep nga 400 euro për 2.2 mln pensionistë pa kritere financiare  

Shteti grek ka ndërmarrë disa nisma të reja për të ndihmuar qytetarët. Pensionistët janë një nga kategoritë përfituese. Mësohet se duke filluar nga ky nëntor të gjithë personat mbi 65 vjeç do të marrin një pagesë vjetore prej 400 eurosh, pa kritere të ardhurash ose pasurie.

Mekanizmi i diferencës personale hiqet përfundimisht për të gjithë 2.5 milionë pensionistët, duke siguruar pagesën e të gjithë rritjes vjetore për të gjithë përfituesit.

Nga dhjetori i vitit 2027, nëpunësit civilë do të marrin një pagesë vjetore prej 500 eurosh bruto, e cila do të llogaritet edhe në llogaritjen e pensionit të tyre të ardhshëm.

Paga minimale në sektorin privat do të rritet në 950 euro në prill 2027 dhe do të rritet në 1,000 euro në janar 2028.

Nga 1 prilli 2027, kontributet e sigurimeve do të ulen me gjysmë pike përqindjeje, me qëllim rritjen e të ardhurave neto të punonjësve dhe uljen e kostove për bizneset.