Një konflikt për motive të dobëta ka përfunduar me kanosje me armë zjarri në fshatin Adriatik të Kurbinit.
Sipas njoftimit nga policia, një 34-vjeçar është arrestuar në flagrancë, pasi dyshohet se ka kërcënuar me pistoletë një 72-vjeçar dhe dy djemtë e tij, ndërsa njërinprej e ka goditur me grushte.
Gjatë kontrollit në banesën e tij, policia ka gjetur armën e dyshuar të përdorur në ngjarje, dy krehra dhe municion luftarak.
“Si rezultat i veprimeve të shpejta hetimore dhe operacionale, u finalizua operacioni i koduar “Reagimi”, gjatë të cilit u arrestua shtetasi:
N., 34 vjeç, banues në fshatin Adriatik, Kurbin, për veprat penale “Mbajtja pa leje dhe prodhimi i armëve, armëve shpërthyese dhe i municionit”, “Kanosja” dhe “Dëmtime të tjera me dashje”.
Ky shtetas dyshohet se, më datë 22.08.2026, rreth orës 20:00, në fshatin Adriatik, ka kanosur me armë zjarri, për motive të dobëta, shtetasit N. N., 72 vjeç, M. N., 43 vjeç dhe A. N., 50 vjeç (babai dhe dy djemtë e tij), si dhe ka goditur me grushte shtetasin 50-vjeçar.
Gjatë kontrollit në banesën e të arrestuarit, shërbimet e Policisë gjetën dhe sekuestruan, në cilësinë e provës materiale, armën e zjarrit pistoletë me të cilën dyshohet se ka kryer kanosjen, 2 krehra dhe municion luftarak”, njofton policia.
Materialet procedurale iu referuan Prokurorisë, për veprime të mëtejshme.
