Aktivisti Ilir Xhemalaj komentoi në protestë incidentin e një dite më parë në Pustec, ku gjatë vizitës së kryeministrit maqedonas Kristijan Mickoski në një aktivitet kulturor, nuk u luajt Himni Kombëtar Shqiptar.
Ai përmendi edhe kërkesën serbe për të hapur një një konsullatë në Shkodër apo tabelat me shkrime në greqisht në jug. Sipas tij, qeveria e Edi Ramës po tregohet e butë me këto forca antishqiptare sepse është e shitur.
“Këto ditë po vëmë re një revansh të forcave antishqiptare kundrejt nesh. Në veri serbët po bëjnë konsullatë në Shkodër. Në lindje, kryeministri i RMV në Pustec nuk është kënduar himni shqiptar. Ndërkohë në jug natën hiqen tabelat e toponimeve të fshatrave në gjuhën shqipe dhe vendosen në greqisht. Pse po ndodh kjo gjë. Qeveria jonë është e butë, i fal. Është e shitur plotësisht. Duan të na shpopullojnë dhe të na largojnë nga toka jonë.”, tha ai.
Më pas komentoi edhe zjarret, teksa aludoi se flakët nëpër male mund të jenë vënë qëllimisht për shkak të Paketës së Maleve.
“Shqipëria po digjet. Malen po digjen. Përse po i djegin, mos ka të bëjë vallë me Paketën e Maleve. Ne po na shfarosin si popull. Duhet t’i dalim ballë vendit. “
