Ka nisur organizimi i qytetarëve në sheshin “Skënderbej”, në ditën e 85-të të revoltës qytetare kundër qeverisë dhe kryeministrit Edi Rama.
Protestuesit janë mbledhur sërish në kryeqytet, ndërsa pas grumbullimit pritet të nisin marshimin përgjatë bulevardit drejt godinës së Kryeministrisë.
Kërkesa kryesore e protestuesve mbetet dorëheqja e menjëhershme e Edi Ramës dhe ndryshimi i kursit politik në vend.
Në platformën e tyre, qytetarët kërkojnë gjithashtu krijimin e një qeverie tranzitore me mandat 12-mujor, e cila do të ketë si qëllim përgatitjen e vendit për zgjedhjet e ardhshme.
Mes kërkesave të protestuesve është edhe shfuqizimi i disa nismave ligjore që ata i konsiderojnë të dëmshme dhe në kundërshtim me interesat e qytetarëve shqiptarë.
