Një ngjarje e rëndë është raportuar në zonën e Kirit, në Dukagjin, ku dy persona dyshohet se janë vrarë me armë zjarri.
Sipas informacioneve paraprake, viktimat janë babë e bir, ndërsa nga të shtënat mund të ketë mbetur i plagosur edhe një person tjetër. Ende nuk ka të dhëna të qarta për rrethanat e ngjarjes apo motivet që kanë çuar në përplasjen me armë.
Forcat e Policisë janë nisur drejt vendngjarjes për të kryer verifikimet dhe për të zbardhur dinamikën e krimit.
Zona ku ka ndodhur ngjarja është e thellë malore, çka e vështirëson ndërhyrjen dhe mbërritjen e shërbimeve në terren.
Informacionet janë paraprake dhe pritet që Policia të japë detaje zyrtare në vijim.
