Armando Broja u përfshi në një moment tensioni pas humbjes së Burnley-t ndaj Bristol City-t, teksa sulmuesi shqiptar pati një përplasje verbale me një tifoz të skuadrës së tij.
Burnley u mposht 2-1 në shtëpi dhe pas përfundimit të takimit, pakënaqësia e tifozëve ishte e dukshme. Broja, i cili u aktivizua në pjesën e dytë, reagoi ndaj kritikave të një prej mbështetësve, duke iu drejtuar atij në mënyrë të irrituar.
Në një video të publikuar në rrjetet sociale, Broja shihet duke diskutuar me tifozin, ndërsa gjatë debatit dëgjohet të thotë: “Kam qenë jashtë për një vit, nuk kam luajtur për një vit.”
Sulmuesi kuqezi duket se iu referua periudhës së gjatë jashtë fushave, duke tentuar të shpjegojë situatën e tij dhe vështirësitë për t’u rikthyer në ritmin e duhur.
Megjithatë, situata nuk u përshkallëzua më tej. Broja u largua nga vendi i ngjarjes i shoqëruar nga një pjesëtar i sigurisë.
Humbja ndaj Bristol City-t ishte një tjetër rezultat zhgënjyes për Burnley-n, që po përballet me kritika nga tifozët për paraqitjet e skuadrës dhe zhvillimet në merkato.
Broja hyri në lojë në pjesën e dytë, por nuk arriti të ndikonte në rezultatin e takimit, ndërsa pas ndeshjes u përball edhe me reagimin e pakënaqur të një pjese të tifozëve.
Nice striker least he’s been paid for a year @BurnleyOfficial #twitterclarets pic.twitter.com/XQJfVfSIZT
— Charlie Warrender (@Charwarrender19) September 5, 2026
