Rr. Ismail Qemali, Pallati 18, Kati 1, 1001, Tiranë, Shqipëri
“Shekulli Group”
Giorgia Meloni gjatë detyrës së saj si kryeministre e Italisë nuk ka nguruar të tregojë se është një nënë e përkushtuar, pavarësisht detyrës së rëndësishme që ka. Shpesh ajo merr të bijën në takime zyrtare, apo në vizita jashtë shtetit.
Edhe në eventin e organizuar për të festuar faktin që qeveria e saj është më jetëgjata në Itali, Meloni sërish ka tërhequr vëmendje për shkak të së bijës, Ginevra.
Kryeministrja ishte duke mbajtur një fjalim, kur në një moment ndërpret gjithçka dhe hap telefonin.
“Zemër, a të të telefonoj përsëri?”– u dëgjua të thoshte Meloni, teksa më pas iu drejtua të pranishmëve: “Është vajza ime. Më kishte telefonuar disa herë. Më falni”.
Vetëm pak sekonda, por të mjaftueshme për ta transformuar për një çast tubimin politik në një skenë të jetës së përditshme familjare. Kjo ngjajre vjen gjatë një mbrëmjeje me një rëndësi padyshim më politike. Më 4 shtator 2026, qeveria e udhëhequr nga Meloni arriti 1,413 ditë rresht në detyrë , duke tejkaluar rekordin e mëparshëm të qeverisë së dytë Berlusconi dhe duke u bërë kështu qeveria me shërbimin më jetëgjatë në historinë e Republikës.
Për të festuar këtë moment historik, Fratelli d’Italia zgjodhi portin e Barit, me një demonstratë të ndërtuar rreth sloganit “Sa më e qëndrueshme është qeveria, aq më e fortë është Italia”, me Kryeministrin e thirrur për të mbyllur mbrëmjen para mijëra mbështetësve.
Në fjalën e saj, Meloni theksoi vlerën e stabilitetit, ndërsa sqaroi se vetëm kohëzgjatja e një qeverie nuk është një masë automatike e efektivitetit të saj. Çështja e vërtetë, sipas kryeministres, është të kesh pasur kohë të mjaftueshme për t’u gjykuar nga italianët.
Për t’u bërë pjesë e grupit të "Shekulli"
mjafton të klikoni: Join our FB Group dhe kërkesa do t’ju aprovohet.
KOMUNITETI SHEKULLI ONLINE: https://www.facebook.com/groups/1381242728701899/
.jpg)
