Ka nisur realizimi i shfaqjes së re “Neighbours/From MotherLand”, një produksion i përbashkët i Baletit Kombëtar të Kosovës, Teatrit Kombëtar të Operës dhe Baletit të Shqipërisë dhe International Dance Festival of Tirana.

Provat e shfaqjes kanë nisur në Tiranë, nën koreografinë e Brigel Gjokës dhe Rauf Yasit, të njohur si RubberLegz. Të dy koreografët do të jenë gjithashtu pjesë e shfaqjes.

Ky produksion shënon një bashkëpunim të veçantë mes institucioneve kombëtare të baletit të Kosovës dhe Shqipërisë, pasi për herë të parë ato realizojnë së bashku një vepër të re.

Premiera e “Neighbours/From MotherLand” do të hapë International Dance Festival of Tirana më 3 tetor në Tiranë. Shfaqja do të rikthehet në skenë më 4 tetor, ndërsa premiera në Prishtinë është planifikuar për 7 tetor./KultPlus.com