Situata e zjarreve në Shqipëri vijon të kërkojë ndërhyrje në disa zona të vendit.
Sipas Ministrisë së Mbroj...
AKTUALITET
VIDEO/ Parakalim i rrezikshëm në Librazhd, denoncimi: Shoferi rrezikoi jetën e qytetarëve, të ndëshkohet!
Piranjat NewsPërditësimi i fundit 6 Shtator 2026, 11:50
Një qytetar ka denoncuar në redaksinë e Piranjat News një rast të rëndë parakalimi të gabuar dhe të rrezikshëm, të regjistruar me kamerën e automjetit të tij.
Sipas denoncimit, incidenti ka ndodhur më 30.08.2026, rreth orës 17:00, në rrugën e Hotolishtit në Librazhd. Nga videoja e dash-cam-it duket qartë automjeti me targa AC 548 SI, i cili ka kryer një parakalim të rrezikshëm. Shoferi nuk ka ulur shpejtësinë dhe ka treguar sjellje të papërgjegjshme, duke rrezikuar jetën e pjesëmarrësve të tjerë në trafik.
Qytetari thekson se ora dhe data në regjistrimin e kamerës së bordit janë të pasakta për shkak të dëmtimit të ekranit, por incidenti ka ndodhur në datën dhe orën e lartpërmendur.
“Nuk e mori mundimin as të ulë shpejtësinë. Shoferë të tillë të papërgjegjshëm mund të na rrezikojnë jetën pa pasur asnjë faj,” shkruan qytetari në denoncimin e tij.
Ai bën me dije se e ka dërguar materialin edhe në Policinë e Shtetit, por deri më tani nuk ka marrë asnjë reagim. Sipas tij, nuk është normale që raste të tilla të mbeten pa u penalizuar nga institucionet kompetente.
Qytetari shpreson që publikimi i denoncimit në Piranjat News të shtyjë autoritetet për të reaguar, pasi ka vërejtur se Policia ndërhyn më shpesh kur rastet bëhen publike në media./ Piranjat News
