Sot, në të gjithë Shqipërinë, në orën 17:00, ka nisur zbatimi i platformës “Prania Besnike” me sloganin “Pranë njerzve”. Këtë e ka bërë të ditur vetë kryeministri Rama në rrjetet e tij sociale, ku përveç tekstit, ka publikuar edhe posterin që mund të shihni më poshtë.
“SOT NË 17.00 ka nisur në të gjithë Shqipërinë PRANIA BESNIKE e Partisë Socialiste, e cila do të zhvillohet çdo të premte, në të njëjtën orë dhe të njëjtin vend, GJITHNJË TË PREMTEN NË ORËN 17.00. Çdo njësi administrative e Shqipërisë zonë urbane sipas brenda qyteteve më të mëdha, do të ketë PRANINË e vet BESNIKE një të premte në muaj. PRANIA BESNIKE është vend neutral. Hyhet PA KAMERA dhe PA TESËR PARTIE. NUK ËSHTË MBLEDHJE PO DËGJESË INDIVIDUALE e hallit, ankesës, kërkesës. MBAN SHËNIM, adreson institucionet zyrtarisht përmes deputetit dhe sigurohet që qytetari merr përgjigje. Nuk premton zgjidhje, po zotohet se asgjë nuk do të mbetet pa u adresuar dhe askush pa marrë përgjigjen që i takon me ligj e me zakon. PRANIA BESNIKE të dëgjon dhe BESA të thotë më kontrollo”, shkruan Rama.
Besojmë se shumica e shqiptarëve, e kanë konsideruar si një nismë të kryeministrit të vendit dhe grupit parlamentar të mazhorancës. Ndërkohë, teksti më sipër dhe logot e PS- së, e ngushtojnë shumë si nismë. Teorikisht, mbështetës të opozitës ose jo mbështetës të PS- së, do ta kenë shumë të vështirë të djehen të përfshirë apo të bëhen pjesë e takimeve me deputetët e PS- së, aq më shumë kur kanë deputetët që edhe mund ti kenë votuar. Atëherë i bie që thirrja për “Prania Besnike”, është për socialistët, të majtët, mbështetësit apo simpatizantët e PS- së. Pak a shumë, mazhoranca “po ndez motorët” për fushatën elektorale të 2027- ës me synim parësor, atë elektoral. /Nga Sokol N. SOKOLI/
