Kur një delegat i FSHF-së merr vendimin për të ndërprerë një ndeshje, duhet të jetë i ndërgjegjshëm se nuk po merr thjesht një vendim në atë moment, por po merr përsipër edhe të gjitha pasojat që ai vendim sjell.
Ndërprerja prek klubet, lojtarët, tifozët dhe organizatorët, sjell kosto financiare, mund të sjellë masa disiplinore dhe dëmton imazhin e një eventi që është organizuar me shumë mund dhe shpenzime.
Prandaj, delegati duhet të jetë i pari që të japë llogari dhe shpjegime të qarta: mbi çfarë baze u mor vendimi, a ishte e domosdoshme ndërprerja dhe kush mban përgjegjësi për pasojat?
Kompetenca që i jep FSHF-ja një delegati nuk është privilegj për të treguar autoritet, por detyrim për të vepruar me drejtësi, maturi dhe profesionalizëm.
Sepse kur vendimi yt ndërpret një ndeshje dhe prek kaq shumë njerëz, nuk mund të fshihesh pas funksionit që mban. Duhet të mbash edhe përgjegjësinë që vjen me të. KY QUHET HUMOR ANGLEZ. /Nga Adrian ZAGANJORI, shef i Sigurisë në “Loro Boriçi”, publikuar si koment në Facebook tek ShkodraWeb/
