Në një shkrim që REL i ka kushtuar një dokumenti kinse “sekret” gjetur në telefonin e Fatmir Shehollit, ku gjasme Beogradi ka hartuar një strategji për ta rimarrë Kosovën me anë të ndërtimit të sa më shumë xhamive, një marrëzi që mund ta besojnë vetëm njerëz që “pa kokë”, pra që nuk u funksionon as minimalisht logjika e trurit, vihet re diferenca mes dy prononcimeve.
Ndër ata që e besojnë, që në fakt edhe vetë thellë e thellë e kanë të qartë se kanë të bëjnë me një gënjështër e sajesë të trashë, janë ata, Lëvizja për Rikthim, një grupim njerëzish të lig pos idiotë me nam.
“Arbër Gashi nga kjo lëvizje konfirmon për Radion Evropa e Lirë se postimi(dokumenti) përputhet me qëndrimin e saj.
“Është e qartë që ajo është faqe, e cila bën edhe propagandën e vet dhe i kundërvihet propagandës që po vjen nga qarqet islamike dhe qarqet e BIA-s serbe, të cilat punojnë edhe përmes imamëve shqiptarë në Zvicër”, thotë Gashi, i cili jeton dhe punon në Zvicër.
Ai, megjithatë, nuk i ofroi Radios Evropa e Lirë prova të dokumentuara për t’i mbështetur këto pretendime”, shkruan REL, duke e nxjerr të çarmatosur në aspektin më etik, provën.
Dhe çfarë thuhet në kahjen tjetër, ku menjëherë bëhet diferenca:
“BIK-u thotë se pikërisht kjo e ka shndërruar çështjen nga një rast që duhet trajtuar nga drejtësia në atë që e quan “fushatë të orkestruar” kundër institucionit dhe komunitetit mysliman.
“Po e helmojnë popullatën, po vënë në lajthitje njerëzit dhe, çka është më e keqja, bëjnë një fushatë kundër vetë popullit të Kosovës, kundër trashëgimisë”, thotë për Radion Evropa e Lirë Ramadan Shkodra, zyrtar i BIK-ut.
Ai mohon se xhamitë në Kosovë janë ndërtuar jashtë procedurave ligjore.
“Asnjë xhami në Kosovë nuk është bërë pa leje të komunave, pa leje të BIK-ut dhe pa miratim të komunitetit. Të gjitha janë bërë në rrugë legale dhe me dosje të kompletuara. Le ta gjejnë vetëm një rast të kundërt dhe atë do ta shkatërrojmë me themel”, thotë Shkodra.
Sipas tij, edhe donacionet nga vendet mike të Kosovës apo nga individë vendorë kanë kaluar nëpër rrugë ligjore dhe mund të verifikohen nga institucionet shtetërore.
BIK-u e cilëson dokumentin “sajesë të hershme” dhe “pamflet ideologjik”, por kërkon që Prokuroria Speciale ta hetojë prejardhjen dhe vërtetësinë e tij deri në fund”.
Pra, kush ka dy pare mend në kokë dhe nuk është blerimlatifizuar akoma, e kupton se për ç’paraçavure bëhet fjalë dhe se kush qëndron pas saj. /tesheshi.com/
