Faton Peci nuk do të jetë më kryetar i degës së partisë “Guxo” në Mitrovicë.

Lajmin e ka bërë të ditur vetë Peci, i cili përmes një njoftimi ka treguar edhe emrin e drejtuesit të ri të degës së partisë atje.

Nga tani e tutje, udhëheqja e “Guxo” në Mitrovicë i është besuar Enis Osmanit.

Postimi i plotë i Pecit:

Falënderim për strukturën e GUXO-s në Mitrovicë

Për 4 vite, përveç bashkëkryetar, drejtova edhe degën e GUXO-s në Mitrovicë.

Nga zemra, faleminderit për punën, përkushtimin e angazhimin e përbashkët.

GUXO, në zgjedhjet e fundit, në garën për asamble, doli e 3-ta.

Partneriteti i shëndoshë me Albin Kurtin dhe VV-në ishte vendimtar për ndryshimin e qeverisjes në Mitrovicë, ku edhe GUXO ka luajtur një rol shumë të rëndësishëm. Bashkë do të vazhdojmë.

Kryetarit të ri të degës së GUXO-s në Mitrovicë, Enis Osmani, dhe ekipit të tij i uroj sukses në konsolidimin e mëtejshëm të partisë.

IN Promo Marketing

AAB shënon një nga mbrëmjet më të veçanta akademike: Gjenerata XXIII diplomon në një ceremoni madhështore

Planifikoni udhëtimin tuaj nga Kölni në Prishtinë me PrishtinaTicket

Nga misteri i fushatës te Malet e Sharrit: Trepika, uji më i ri në treg që bashkon shqiptarët e rajonit