Këngëtarja shqiptare me famë ndërkombëtare, Dua Lipa, feston sot 31-vjetorin e lindjes. Gjatë karrierës së saj, ajo është shndërruar në një prej emrave më të njohur të muzikës pop në botë.
Sukseset nisën me këngë si “New Rules”, “IDGAF” dhe “Be the One”, ndërsa albumi “Future Nostalgia” e konsolidoi në skenën globale me hite si “Don’t Start Now”, “Levitating” dhe “Physical”.
Më pas, Lipa vijoi suksesin me albumin “Radical Optimism”, ndërsa zgjeroi aktivitetin edhe në kinematografi, me role në filmat “Barbie” dhe “Argylle”. Në më pak se një dekadë, ajo është kthyer në një prej artisteve më të suksesshme të brezit të saj, duke fituar edhe çmime Grammy.
