Policia e Sarandës ka goditur një grup të dyshuar për shpërndarje të lëndëve narkotike dhe armëmbajtje pa leje, në kuadër të operacionit të koduar “Vjeshta”, të finalizuar pas një hetimi dy-mujor në bashkëpunim me Prokurorinë.
Në kuadër të operacionit janë kapur dhe ndaluar 20 persona, ndaj të cilëve Gjykata Sarandë kishte caktuar masën e sigurisë “arrest në burg”.
Të arrestuarit janë: Altin Arapi (koka e grupit të shpërndarjes), Arlind Kostaq Osmani, Feliks Faik Filija, Medi Enver Myftaraj, Nikolin Martin Rakipi, Altin Halit Arapi (Demiri), Klerjan Milsim Popshimi, Redian Astrit Arizi Erjon Ruhan Dido, Dhimitër Astrit Terolli, Xhuliano Emin Mejdi, Vasil Armandi Kaçi, Flatun Orhan Lalaj, Bledar Adi Kovaci, Shefqet Ronald Bezhani, Andrea Vlash Babi, Nazif Edmond Refitaj, Elvis Edmond Demçaj, Devis Stavro Saliaj dhe Korado Edmondi Omeri.
Ndërkohë, u procedua në gjendje të lirë shtetasi E. N., 36 vjeç, banues në Lushnjë, pasi kundërshtoi shërbimet e Policisë gjatë kontrollit në një dhomë hoteli.
Gjatë operacionit dhe kontrolleve, janë sekuestruar:
-sasi kokaine dhe kanabisi;
-2 pistoleta;
-4 automjete;
-19 aparate celulare;
-një shumë parash në lekë dhe euro.
Hetimet
Operacioni është rezultat i një hetimi të nisur dy muaj më parë nga Komisariati i Policisë Sarandë, në bashkëpunim me Prokurorinë.
Më 31 korrik 2026, në kuadër të të njëjtit procedim, u arrestuan në flagrancë tre shtetas, A. N., A. C. dhe K. J. Gjatë këtij aksioni u sekuestruan 5 kilogramë lëndë narkotike e dyshuar kanabis, e cila, sipas hetimeve, dyshohej se do të shpërndahej në Sarandë dhe Ksamil.
Ky aksion është kryer nën drejtimin e Kreprokurores Esmeralda Basho për luftën ndaj shpërndarjes së lëndve narkotike, kryeshit ndaj të rinjve.
Në luftën e vështirë kundër narkotikëve, përballë interesave të errëta, presioneve dhe rrezikut, qëndron një grua e fortë, një prokurore që çdo ditë mbron ligjin dhe drejtësinë me guxim, përkushtim dhe integritet.
Puna e saj nuk matet vetëm me dosje, procese apo vendime. Pas çdo beteje të fituar kundër krimit, fshihet një kontribut për një shoqëri më të sigurt, për familjet tona dhe për të ardhmen e fëmijëve tanë.
Të luftosh krimin nuk është e lehtë, por të mos dorëzohesh përballë tij është një vlerë që meriton respekt.
Nga hetimet e deritanishme dyshohet se grupi ushtronte aktivitetin e shitjes së lëndëve narkotike në zonën e Sarandës, përfshirë zonat e plazheve, lokalet e natës dhe afërsitë e shkollave.
Klikoni videon
