Një zjarr ka rënë pak minuta më parë në një sipërfaqe të mbuluar me dëllinja, në fshatin Borje, në zonën e Shishtavecit, në Kukës.
Për shuarjen e flakëve dhe parandalimin e përhapjes së zjarrit janë angazhuar banorë të zonës, ndërsa zjarrfikësja e Kukësit është nisur menjëherë drejt vendngjarjes.
Sipas banorëve, situata po vështirësohet nga era e fortë, e cila favorizon përhapjen e flakëve dhe rrit rrezikun që zjarri të afrohet drejt banesave.
Ndërhyrja vijon në terren për izolimin e vatrës dhe shmangien e përhapjes së mëtejshme të zjarrit.