Taylor Swift zbulon kuptimet e fshehura në këngën e ‘Toy Story 5’

Taylor Swift ka treguar më shumë rreth këngës “I Knew It, I Knew You”, të shkruar për filmin “Toy Story 5”.

Këngëtarja 36-vjeçare shpjegoi se disa vargje janë ndërtuar me kuptime të dyfishta. Ajo përmendi referencat ndaj kujtimeve të fëmijërisë, lojës dhe imagjinatës, ndërsa një tjetër varg lidhet me parashutat që shfaqen në botën e “Toy Story” dhe me njerëzit që na ndihmojnë gjatë rritjes.

Swift tha se i kushton rëndësi të madhe detajeve në tekstet e saj, por ato duhet të kenë funksion në histori ose të përcjellin emocionin e personazhit.

“Detajet vetëm për hir të fjalëve përshkruese nuk janë gjëja ime”, tha ajo.

Artistja foli edhe për procesin krijues, duke theksuar se humori, energjia dhe entuziazmi në studio mund të ndikojnë shumë në rezultatin përfundimtar të një kënge.