Aksident trafiku në Arllat të Malishevës, përplasen tri automjete

Tri vetura janë përfshirë në një aksident trafiku që ka ndodhur pasditen e së dielës në fshatin Arllat të Komunës së Malishevës, përcjell Gazeta Metro.

Pamjet e publikuara nga mediat lokale tregojnë se në ngjarje janë përfshirë tri automjete, të cilat kanë pësuar dëmtime si pasojë e përplasjes.

Nga pamjet e para, përplasja nuk duket të ketë shkaktuar dëme të mëdha, ndërsa deri në publikimin e këtij raportimi nuk janë bërë të ditura të dhëna zyrtare për persona të lënduar.

Autoritetet ende nuk kanë dhënë detaje të tjera lidhur me rrethanat dhe shkaqet që çuan në këtë aksident./gazetametro.net