Ministri i Mbrojtjes, Ermal Nufi, ka qenë gjatë mbrëmjes në Levan, ku ka ndjekur nga afër situatën e krijuar nga zjarri që ka përfshirë zonën e Fierit.
Nufi është informuar në terren për përhapjen e flakëve, gjendjen e vatrave dhe punën e strukturave të emergjencave për izolimin e zjarrit dhe mbrojtjen e banorëve.
Zjarri vijon të jetë aktiv, ndërsa forcat në terren po punojnë për mbajtjen nën kontroll të vatrave.
Më herët, flakët u afruan pranë banesave dhe bizneseve, ndërsa disa familje janë evakuuar si masë sigurie.
Aktualisht nuk raportohet rrezik i drejtpërdrejtë për banesat.
Strukturat e emergjencave dhe zjarrfikësit vijojnë të jenë të pozicionuar në zonë, ndërsa gjatë mbrëmjes ndërhyrja nga ajri është ndërprerë për shkak të errësirës dhe operacioni ka vijuar nga toka.
