Një zjarr ka përfshirë zonën pyjore në hyrje të fshatit Picar në Gjirokastër, duke krijuar rrezik për zonën e banuar.
Flakët ndodhen pranë fshatit dhe ekziston mundësia që zjarri të përhapet në drejtim të banesave.
Dy grupe të shërbimit zjarrfikës janë nisur menjëherë drejt vendngjarjes për të ndërhyrë në shuarjen e flakëve.
Me mbërritjen në terren, zjarrfikësit kanë hasur vështirësi për shkak të terrenit të thyer dhe dendësisë së shkurreve dhe pyllit.
Aktualisht në terren ndodhen dy grupe zjarrfikëse, ndërsa një grup i tretë është nisur drejt Picari.
Qëllimi i ndërhyrjes është ndalimi i përhapjes së flakëve dhe mbrojtja e banesave dhe banorëve të fshatit.
Shërbimi zjarrfikës vijon punën në terren, ndërsa situata po monitorohet për të parandaluar afrimin e zjarrit drejt zonës së banuar.
