Një operacion i gjerë policor i zhvilluar në Sarandë ka çuar në arrestimin e 20 personave, të dyshuar për përfshirje në shpërndarjen e lëndëve narkotike dhe armëmbajtje pa leje.
Aksioni, i koduar “Vjeshta”, është finalizuar pas rreth dy muajsh hetime të kryera nga Komisariati i Policisë Sarandë në bashkëpunim me Prokurorinë.
Sipas policisë, ndaj 20 të arrestuarve Gjykata e Sarandës kishte caktuar masën e sigurisë “arrest në burg”.
Të arrestuarit:
Ndërkohë, një 36-vjeçar me inicialet E. N., banues në Lushnjë, është proceduar në gjendje të lirë. Sipas policisë, ai ka kundërshtuar shërbimet gjatë kontrollit në një dhomë hoteli.
Gjatë aksionit, u sekuestruan një sërë provash materiale. Policia njofton se janë gjetur:
Operacioni “Vjeshta” është zhvilluar në vijim të një procedimi të nisur dy muaj më parë nga autoritetet në Sarandë.
Në 31 korrik, në kuadër të të njëjtit procedim, policia kishte arrestuar në flagrancë tre persona me inicialet A. N., A. C. dhe K. J. Gjatë atij aksioni u sekuestruan 5 kilogramë lëndë narkotike e dyshuar kanabis, e cila, sipas hetimeve, dyshohej se do të shpërndahej në Sarandë dhe Ksamil.
Nga hetimet e deritanishme, grupi dyshohet se ushtronte aktivitetin e shitjes së lëndëve narkotike në zona të ndryshme të Sarandës, përfshirë zonat e plazheve, lokalet e natës dhe afërsitë e shkollave./ Zoom.al
Aksident me vdekje pranë rrethrrotullimit të Levanit, vdes 55-vjeçari! Makinat bëhen copash (VIDEO)
